Pānui Pāpāho: Nga Awhina Haumaru mo te Hoki ki te kura > Safekids Aotearoa

 
Pānui Pāpāho: Nga Awhina Haumaru mo te Hoki ki te kura

Nga Awhina Haumaru mo te Hoki ki te kura

He tini ngā ākonga ka hoki ki te kura ā tērā marama. He tino āwhina haumaru ā Safekids Aotearoa kia haumaru ai ngā tamariki.

Mā ngā tamariki

  • Ka haumaru ake rātau ki tētahi tūru whakapiki tamariki kia eke rā anō rātau ki te 148cm te tāroa. He 59% te iti ake o te tūpono whara o ngā tamariki kura tuatahi e noho ana i tētahi tūru whakapiki tamariki i muri ki te tuki tēnā i te tamaiti mau tātua waka anake.

  • Kāhore he pōtae mārō, kāhore he roro. Me mātua mau pōtae mārō ina eke pahikara, papaneke, papa hirere rānei ki te kura. Mō ngā kaieke pahikara, i tua i te whakaritenga ture, ka whakaiti te mau pōtae mārō i te tūponotanga o te wharanga roro nui mā te 74%.

  • Waiho ngā pūrere, me mataara te whakawhiti i te huarahi. Kaua e warea ki te pūrere - tohutohuhia ngā tamariki ki te tango i ā rātau orotaringa ina whakawhiti i te huarahi, ā, me tū ina whakamahi ana i te waea.

  • Kia tūpato i ngā arawaka huna. Ki te kore koe e kite i te arawaka mai i te ara hīkoi, me maumahara ki te tū ka tirotiro haere kia mātua mōhio ai koe kāhore he waka e puta mai ana i te arawaka.

  • Me whai i tētahi mahere haere kura. Ākona ngā tamariki ki te whai ara haumaru ki te kura, ā, kia mōhio hoki ki ngā mōrearea ina hīkoi, eke pahikara, papaneke rānei. Me āta ārahi i ngā pīpī paopao ina hīkoi ana rātau ki te kura i te wā tuatahi.

Mā ngā kaihautū waka

  • Me āta tirotiro i ngā rīpekatanga me ngā whakawhititanga. Kei ohorere te oma mai a te tamaiti ki runga i te tiriti. Ka uaua hoki te kite i a rātau i waenga waka e tū ana. Mā te tū i ngā rīpekatanga me te āta haere i ngā wāhi e pokea ana e te kaihīkoi ka whaikoe ki te tirotiro mēnā kei te wātea tō ara i te tamariki.

  • Me āta haere i ngā rohe kura. Ka whakaritea anō te tepenga tere o te 30-40kph i ngā haora haere ki/i te kura, ā, me āta haere ngā kaihautū waka ina kā ana ngā rama, ina tū rānei ngā tohu pānui. Ahakoa kei te weto me tūpato - tērā pea ka tū he hui i te ahiahi, he kēmu i te mutunga wiki rānei, nō reira me tūpato koe i ngā tamariki.

  • Te hipa pahi kura: He 20kph te tere. Mēnā kei te tū tētahi pahi kura i raro i te ture me āta haere koe, ā, he 20kph tō tere, iti ake rānei kia hipa rā nō koe - ahakoa tō ahunga.  

###

Kia ora, tēnā koe mō te āwhina i a mātau kia haumaru ai ngā tamariki i te huarahi, i te kāinga me te tākaro. Mō ngā uiui me ngā kōrero atu anō, whakapā atu ki Anthony Rola i 09 6310717/AnthonyR@adhb.govt.nz.